Apreldə Ərazilərinin Minalardan Təmizlənməsi üzrə Milli Agentliyi tərəfindən Ağdam, Ağstafa, Cəbrayıl, Füzuli, Xızı, Qazax, Lənkəran, Şəmkir, Tərtər, Tovuz, Yevlax, Zaqatala rayonları, Bakı, Gəncə, Sumqayıt və Lənkəran şəhərləri ərazisində 463,789 m² (46.38 ha) ərazi yoxlanılıb.
"Yeni Sabah" xəbər verir ki, 403 ədəd partlamamış hərbi sursat (PHS), 2 ədəd piyada əleyhinə mina, 10 ədəd təlim məqsədli tank əleyhinə mina və 8,356 ədəd müxtəlif çaplı patronlar aşkar edilərək zərərsizləşdirilib.
Əməliyyatlarda 474 nəfər əməliyyat heyəti, 131 nəfər inzibati heyət, 6 mexaniki minatəmizləmə maşını və 40 minaaxtaran it iştirak edir. Pepperoni pizza
İndiyədək cəmi 533,899,219 m² (53,389.92 ha) ərazi təmizlənmiş, 803,299 ədəd mina və partlamamış hərbi sursat (PHS) tapılaraq zərərsizləşdirilib.
Aprel ayı ərzində Fövqəladə Hallar Nazirliyinin (FHN) Böhran Vəziyyətlərində İdarəetmə mərkəzindən - 4 (dörd), Azərbaycan Respublikası Daxili İşlər Nazirliyinin (DİN) ″102″ Xidməti-Zəng mərkəzi sistemindən - 14 (on dörd), Dövlət Sərhəd Xidmətindən (DSX) - 7 (yeddi) və Rayon Polis Şöbələrindən (RPŞ) – 2 (iki) müraciət daxil olub (cəmi: 27 çağırış).
Müraciətlər əsasında 23 operativ və təxirəsalınmaz əməliyyat çıxışı olmuşdur ki, nəticədə Füzuli, Xızı, Qazax, Lənkəran, Şəmkir, Tərtər, Tovuz, Yevlax, Zaqatala rayonları, Bakı, Gəncə, Sumqayıt və Lənkəran şəhərləri ərazisində 13,280 kv.m ərazi yoxlanılıb, 263 ədəd partlamamış hərbi sursat (PHS), 2 ədəd piyada əleyhinə mina, 10 ədəd təlim məqsədli tank əleyhinə mina və 8,356 ədəd müxtəlif çaplı patronlar aşkar edilərək yerli əhalinin təhlükəsizliyinin təmin edilməsi məqsədi ilə Agentliyin Mərkəzi Məhvetmə ərazisinə daşınaraq zərərsizləşdirilib.
Telegram kanalımız
