Müğənni Şəbnəm Tovuzlu yenə iddialı sözlərlə gündəmə gəlib.
“Yeni Sabah” xəbər verir ki, ifaçı “Mən hələ ölməmişəm” klipini “Instagram” hesabında paylaşaraq seçdiyi hər mahnının hitə çevrildiyini yazıb:
“Mənim hisslərim məni aldatmayıb bu günə qədər. Seçdiyim və əmin olduğum bir mahnıma “sevilib, hit olacaq" demişəmsə, olub. 13 ildir oxuyuram. Bu illərdə ən çox hitə çevrilmiş mahnılarımın sayı 7 oldu. Bu mahnılar hər kəs tərəfindən sevildi”.
Müğənni izləyicilərinə təşəkkür etməyi də unutmayıb:
“Mən ən başda məni sevən izləyicilərimə sonsuz təşəkkürümü bildirirəm. Mahnının sevilməyini ən çox o zaman bilirəm ki, getdiyim yerdə, maşınlarda, məkanlarda eşidirəmsə, demək ki, o mahnı sevildi. Və mən də mahnımı çıxan gün hər yerdə eşidirəm”.
Əsmətxanım
Telegram kanalımız
