42 yaşlı Bakı sakini Ramin Babayev daxili qoşunların əsgərlərini bıçaqla hədələyib.
“Yeni Sabah” xəbər verir ki, bu haqda Oxu.Az-a hüquq mühafizə orqanlarından məlumat daxil olub. Xoşagəlməz insident Səbail rayonunda qeydə alınıb.
Əldə edilən məlumata görə, aprelin 25-də 01:35 radələrində sərxoş vəziyyətdə olan R.Babayev Üzeyir Hacıbəyov küçəsində "Formula-1” Azərbaycan Qran Prisinin yaratdığı narahatlıqdan gileylənərək, ətrafda olanları təhqir edib. pizza mizza
Daxili qoşunların əsgərləri həmin şəxsi asayişi pozmamağa çağırıb. Ancaq Babayev cibindən bıçaq çıxararaq, onları ölümlə hədələyib. Bununla əlaqədar hadisə yerinə polis əməkdaşları çağırılıb.
Hazırda faktla bağlı araşdırma aparılır. Babayevin sərxoş vəziyyətdə olması nəzərə alınaraq, ona qarşı inzibati qaydada iş açılıb.
Telegram kanalımız
