Almaniyanın "Lufthansa" aviaşirkəti Yaxın Şərqdə daha genişmiqyaslı münaqişə ilə bağlı narahatlıqlar səbəbilə İran və Livana uçuşların ləğv edilməsini 2025-ci ilə qədər uzaddığını açıqlayıb.
Yenisabah.az xəbər verir ki, aviaşirkətin verdiyi açıqlamada önümüzdəki aylarda Tehran və Beyruta uçuşları davam etdirməyəcəyi bildirilib.
Bəyanatda bildirilib ki, Livanın paytaxtı Beyrutla əlaqə 28 fevral 2025-ci il tarixinədək, Tehrana uçuşlar isə 31 yanvar 2025-ci ilə qədər dayandırılıb. Dördpendirli pizza
"Lufthansa" İsrailin hücumlarından sonra artan təhlükəsizlik narahatlıqları səbəbindən son vaxtlar Yaxın Şərqə uçuşların ləğvini dəfələrlə uzadıb.
Xatırladaq ki, bu həftənin əvvəlində "Lufthansa" Təl-Əvivə uçuşlarının dayandırılmasını noyabrın 10-na qədər uzatdığını açıqlamışdı.
Qeyd edək ki, "Lufthansa" Qrupuna "Eurowings", "Swiss", "Austrian Airlines" və "Brussels Airlines" kimi şirkətlər daxildir.
Aytac Şahin
Telegram kanalımız
