Aİ Şurası Maqdalena Qrononu Aİ-nin Cənubi Qafqaz və Gürcüstan böhranı üzrə yeni xüsusi nümayəndəsi təyin edib.
Yenisabah.az xəbər verir ki, Qrono səlahiyyət müddəti avqustun 31-də başa çatacaq bu vəzifədə Toivo Klaarı əvəz edəcək.
O, 12 aylıq ilkin dövr üçün 2024-cü il sentyabrın 1-də vəzifəsinin icrasına başlayacaq. pizza
Aİ-nin yeni Xüsusi Nümayəndəsi kimi Qrono Aİ-nin regionda xarici siyasət məqsədlərinin təşviqində sələflərinin işini davam etdirəcək. O, BMT və ATƏT ilə sıx əməkdaşlıq şəraitində münaqişələrin, o cümlədən Gürcüstandakı böhranın və Ermənistanla Azərbaycan arasında münasibətlərin normallaşması prosesinin sülh yolu ilə həllinə töhfə verəcək.
Maqdalena Qrono regionla bağlı əsas maraqlı tərəflərlə əlaqə saxlayacaq və hökumətlər, parlamentlər, digər əsas siyasətçilər və vətəndaş cəmiyyəti ilə əlaqələri inkişaf etdirərək regional mövzular üzrə əməkdaşlığı təşviq edəcək.
Qrono Çexiya vətəndaşıdır.
Hazırda o, Avropa Şurasının rəhbəri Şarl Mişelin baş diplomatik müşaviri vəzifəsini tutur.
O, son 25 ildə xarici siyasət və münaqişələrin həlli məsələləri, o cümlədən Aİ-də yüksək səviyyəli diplomatik vəzifələrdə və beyin mərkəzlərində keçmiş Sovet İttifaqı və xüsusilə Cənubi Qafqaza xüsusi diqqət yetirməklə işləyib. Mişelin kabinetinə qoşulmazdan əvvəl o, Avropa Şurasının keçmiş rəhbəri Donald Tuskun xarici siyasət üzrə müşaviri olub.
Telegram kanalımız
