Tacikistan Xarici İşlər Nazirliyi Əfqanıstanın eks-prezidenti Əşrəf Qəninin olduğu təyyarənin Tacikistanın hava sahəsinə girmədiyini açıqlayıb.
Yenisabah.az xəbər verir ki, Əfqanıstanın Daşkənddəki səfirliyi də devrilmiş dövlət başçısının Özbəkistana gəlib-gəlmədiyi ilə bağlı heç bir məlumata sahib olmadığını bildirib.
Eyni zamanda, “New York Times” nəşri Əşrəf Qəni və iki digər dövlət rəsmisinin Kabildən Daşkəndə yollandığını iddia edib. Dominos pizza
Eks-prezidentin mühafizə xidməti “Əl-Cəzirə” telekanalına açıqlamasında bu məlumatı təsdiqləyib. Lakin Əfqanıstanın Özbəkistandakı səfirliyinin nümayəndəsi “Sputnik”ə "Belə bir məlumatlara malik olmadığımız üçün bu informasiyanı təsdiqləyə bilmərik", - deyib.
Qazaxıstan Xarici İşlər Nazirliyinin sözçüsü Aybek Smadiyarov da mövzu ilə bağlı açıqlama verərək Əfqanıstan eks-prezidentinin hazırda Qazaxıstanda olmadığını bildirib.
Bununla bərabər, Əşrəf Qəninin Omana getməsi ilə bağlı təsdiqlənməmiş məlumatlar da geniş yayılıb.
Telegram kanalımız
