"Rusiya Bakı-Tbilisi-Qars dəmiryolundan istifadə etmək istəyir. Ankarada bir neçə gün əvvəl Türkiyə-Azərbaycan-Rusiya sazişi imzalandı. Saziş Bakı-Tbilisi-Qars dəmir yolu üzrə yükdaşımaların inkişafını nəzərdə tutur".
"Yeni Sabah"ın məlumatına görə, bunu politoloq Elxan Şahinoğlu deyib. Politoloq qeyd edib ki, Rusiya Dəmir Yolları İdarəsinin rəhbəri Oleq Belozyor Bakıya gələrək prezident İlham Əliyevlə görüşüb:
"İki ölkə arasında dəmir yolu ilə yük daşımalarının həcmi artır. Bu ilin ilk 3 ayında yük daşımalarının həcmi 25 faiz artıb. Rusiya Bakı-Tbilisi-Qars dəmir yolu ilə Türkiyəyə yük daşımaları həyata keçirmək istəyir. Bunun tərsi də mümkündür. Yəni Türkiyə öz mallarının bir hissəsini Bakı-Tbilisi-Qars dəmir yolu ilə Rusiyaya daşıya bilər. Ancaq Gürcüstan hökuməti Rusiyanın Bakı-Tbilisi-Qars dəmir yoluna qoşulmasını istəmir. Dəmir yolunun bir hissəsi Gürcüstandan keçdiyindən rəsmi Tbilisi bu məsələdə söz sahiblərindən biri olduğunu göstərməyə çalışır. Halbuki bu dəmir yolunun tikintisi üçün də 1 dollar xərcləməyib, yenə bizdən borc alıb". Pepperoni pizza
E.Şahinoğlu vurğulayıb ki, Gürcüstan hakimiyyəti bu cür daşımaların Azərbaycan və Türkiyə üçün faydalı olduğunu bilir:
"Yəqin Tbilisi bizdən yenə nəsə qorparmaq istəyir. Sadəcə, Rusiyanın Bakı-Tbilisi-Qars dəmir yolundan istifadəsinə razı olmayan Gürcüstan hakimiyyətindən soruşmaq lazımdır ki, bəs necə olur Rusiya Ermənistana mallarını Gürcüstan üzərindən daşıyır, necə olur illərdir Abxaziya üzərindən dəmiryolunun açılmasıyla bağlı Moskva ilə danışıqlar aparılır?"
Telegram kanalımız
