Türkiyənin Konya şəhərində keçirilən V İslam Həmrəyliyi Oyunlarında Azərbaycan güləşçilərinin uğurlu çıxışı davam edir.
Yenisabah.az xəbər verir ki, yunan-Roma güləşçisi Eldəniz Əzizli 55 kq çəki dərəcəsində həlledici qarşılaşmada özbəkistanlı Jasurbek Ortikboyevi 10:1 hesabı ilə məğlub edərək qızıl medal qazanıb.
Digər yunan-Roma güləşçimiz Ülvi Qənizadə isə 72 kq çəki dərəcəsində rəqibi finalda iranlı Mahmud Rüstəmiyə 8:9 hesabı ilə uduzaraq, 2-ci yeri tutub. Pepperoni pizza
65 kq-da çıxış edən qadın güləşçimiz Elis Manolova da gümüş medalla kifayətlənib. O, həlledici görüşdə qazaxıstanlı Yelena Şaligina ilə bacarmayıb. Qarşılaşma 3:3 hesabı ilə başa çatsa da, rəqib sonuncu xal prinsipinə əsasən qızıl medal qazanıb.
Digər güləşçimiz Elnurə Məmmədova isə İslamiadanın bürünc medalını qazanıb.
55 kq-da çıxış edən idmançı III turda tunisli Faten Hammamiyə 15:0 hesabı ilə qalib gəlib.
Telegram kanalımız
