Kreml “Azərbaycan Hava Yolları” (AZAL) təyyarəsinin Qazaxıstanda qəzaya uğraması ilə bağlı istintaqın ilkin nəticələrini şərh etməkdən imtina edib və istintaqın tamamlanmasını gözləməyə çağırıb.
Yenisabah.az Interfax-a istinadla xəbər verir ki, jurnalistlərin Qazaxıstan tərəfinin dərc etdiyi araşdırmanın ilk nəticələrini şərh etmələrini xahiş etdikdə, Rusiya prezidentinin mətbuat katibi Dmitri Peskov belə cavab verib:
"Bu, ilkin hesabatdır. Təbii ki, müvafiq qurumlarımız bunu böyük, lazımi diqqətlə öyrənəcək. Prezident administrasiyası ilə bağlı şərh verməyi mümkün hesab etmirik". Toyuqlu pizza
Qəzanın təhqiqatı ilə bağlı Qazaxıstanda dərc olunan ilkin hesabat 53 səhifədən ibarətdir və orada uçuş tarixçəsi, təyyarəyə dəyən ziyan, meteoroloji məlumatlar, qalıqlar haqqında məlumatlar və s. var.
Xatırladaq ki, 2024-cü il dekabrın 25-də AZAL sərnişini "Embraer 190" Qazaxıstanın Aktau şəhəri yaxınlığında qəzaya uğrayıb. Bakıdan Qroznıya uçan təyyarənin göyərtəsində 67 nəfər olub, onlardan 38-i dünyasını dəyişib. Təyyarə Qroznıda bir neçə dəfə eniş cəhdindən sonra Aktauya istiqamət alıb. O, Qazaxıstan hava limanına təxminən 3 km qalmış qəzaya uğrayıb.
Telegram kanalımız
