Gənclər və idman naziri Fərid Qayıbov ölkəmizdəki yenidən tikilməkdə olan futbol stadionlarının durumu haqqında danışıb.
Yenisabah.az CBC Sport-a istinada xəbər verir ki, o, Xankəndi şəhər stadionundakı yenidənqurma işlərinə toxunub:
"Xankəndi şəhər stadionu yenidən qurulur. Bu, çox çətin bir prosesdir. Açıq desəm, yeni stadion tikmək daha asandır. Bu arenanın bir hissəsi 3-cü MDB Oyunları üçün hazır olacaq. Oyunlardan sonra isə yenidənqurma işləri davam edəcək. MDB Oyunlarının oxatma yarışları Xankəndi şəhər stadionunda keçiriləcək. Daha sonra da orada işlərimiz davam edəcək". pizza
Nazirin sözlərinə görə, məqsəd növbəti illərdə Xankəndi şəhər stadionunun UEFA kateqoriyası almasıdır ki, həm millimiz, həm də digər komandalarımız orada oyunlarını keçirə bilsinlər.
F.Qayıbov Gəncə şəhər stadionundakı tikinti işlərindən də danışıb: "Ölkə başçısı tərəfindən qərar verildi ki, Gəncə şəhər stadionu yenidən qurulsun. Buna çox ehtiyac var idi. Məlum olduğu kimi, "Kəpəz" bir neçə ildir ev oyunlarını Gəncədə keçirə bilmir. Çünki stadion yararsız hala düşmüşdü. 2 ilə yaxındır ki, biz bu stadionu inşa edirik. MDB Oyunlarının açılış və bağlanış mərasimləri Gəncə şəhər stadionunda keçiriləcək. Mənə görə, bu stadion Azərbaycanın ən yaxşı futbol arenası olacaq. Çox müasir standartlara cavab verəcək. Bu idman qurğusu şəhərin simvollarından birinə çevrilə bilər. Gəncə şəhər stadionu UEFA standartlarına cavab verən bir arena olacaq".
Telegram kanalımız
