“Qarabağ” hücumçusu İbrahima Vadji ilə yollarını ayıra bilər. 27 yaşlı forvardın yenidən Türkiyədə çıxış etmək variantı yaranıb.
Yenisabah.az Türkiyə mətbuatına istinadən xəbər verir ki, seneqallı futbolçu “Kocaelispor”un transfer gündəmindədir. TFF I Liqa təmsilçisi qış fasiləsində bir neçə oyunçu almağı planlaşdırır. Vadji də həmin futbolçular sırasındadır. “Qarabağ”ın mövsümün əvvəlində “Heqesunn”dan 600 min avroya transfer etdiyi Vadji hazırda komandası ilə Antalyada təlim-məşq toplanışında olsa da, Ağdam təmsilçisinin heyətində 4 hücumçunun olması onu narahat edir və Vadji komandasını dəyişmək niyyətindədir.
“Qarabağ” isə futbolçunun icarəyə verilməsi variantını nəzərdən keçirir. Dördpendirli pizza
Qeyd edək ki, 2016/17 mövsümündə Türkiyədə “Qaziantep”in formasını geyinən İbrahima Vadjinin “Qarabağ”la müqavilə müddəti 2024-cü ilin yayına qədərdir. O, bu mövsüm bütün turnirlərdə keçirdiyi 15 oyunda 5 qol vurub.
Telegram kanalımız
