“Qarabağ“-“Marsel“ matçı neytral ölkədə oynanıla bilər

"Qarabağ"ın Konfrans Liqasının pley-off mərhələsinin "Marsel"ə qarşı Fransada keçirilməli olan ilk matçı neytral ölkədə oynanıla bilər.

Yenisabah.az xəbər verir ki, buna səbəb Ağdam klubunun futbolçularına vurulmuş peyvəndlərin Fransada qəbul olunmamasıdır.

UEFA ilə Fransa rəsmiləri bununla bağlı danışıqlar aparır və oyunçular üçün güzəşt edilməsinə çalışırlar. Razılıq əldə olunmasa, UEFA-nın qaydalarına uyğun olaraq, qarşılaşma neytral ölkədə keçirilə bilər. pizza

Qeyd edək ki, "Qarabağ"ın "Marsel"lə ilk oyunu fevralın 17-də səfərdə, cavab görüşü isə fevralın 24-də Bakıda olacaq.