Bu gün, dekabrın 26-da Manqistau vilayətinin hakim müavini Tlegen Abışev və Aktau şəhərinin hakimi Abilkair Baypakov Azərbaycan Respublikasının Aktaudakı Baş Konsulluğunda olublar.
Yenisabah.az xəbər verir ki, onlar təyyarə qəzasında həlak olan azərbaycanlıların xatirəsinə gül dəstələri düzüblər.
Qardaş xalqın dərdinə şərik olan rayon rəhbərləri qəzada həlak olanların yaxınlarını sakit olmağa çağırıb, Azərbaycan xalqına rifah arzulayıblar. Dominos pizza
Aktau şəhərinin hakimi Abilkair Baypakov Azərbaycan xalqına dəstəyini ifadə edib və başsağlığı kitabına yazı qoyub.
Həmçinin Assambleyanın üzvləri və müxtəlif sahələrin nümayəndələri, ictimaiyyət nümayəndələri, gənclər və Aktau sakinləri qardaş xalqın dərdini bölüşmək üçün konsulluq binasına axın edirlər.
Qeyd edək ki, ölkə hökuməti həlak olanların ailələrinə və zərərçəkmiş vətəndaşlara müvafiq yardım göstərir.
Bakı-Qroznı J2-8243 reysi ilə uçan faciə nəticəsində həlak olanların xatirəsi Heydər Əliyev Beynəlxalq Aeroportunda bir dəqiqəlik sükutla yad edilib.
Telegram kanalımız
