Ermənistan və Türkiyənin müvafiq idarələrinin nümayəndələri Gümrü-Qars dəmir yolunun fəaliyyətinin bərpası şərtlərini qiymətləndirmək üçün yaxın vaxtlarda görüşəcəklər.
Yenisabah.az xəbər verir ki, bunu “Azadlıq” radiosunun Erməni Xidmətinə müsahibəsində parlamentin vitse-spikeri, Ermənistanın Türkiyə ilə danışıqlarda xüsusi nümayəndəsi Ruben Rubinyan deyib.
O əlavə edib ki, görüş günü hələ təyin olunmayıb: Sezar pizza
“Marqara körpüsü ilə bağlı Ermənistan və Türkiyə qurumlarının nümayəndələri bu razılaşmanın həyata keçirilməsi üçün yaxın vaxtlarda görüşəcəklər, Gümrü-Qars dəmir yolunun fəaliyyətini bərpa etmək üçün də lazım olan şərtləri dəyərləndiriləcək".
Rubinyan İrəvanın Ankaradan münasibətlərin normallaşdırılması məsələsində siyasi iradə gözlədiyini açıqlayıb. Onun sözlərinə görə, müzakirələr tərəflərə bir-birinin mövqelərini daha yaxşı başa düşməyə kömək edir:
“Bütün razılaşmaların həyata keçiriləcəyini gözləyirik. Diplomatik münasibətlərin qurulması və sərhədlərin açılması ilə həll prosesi başa çatacaq. Bunu günü sabah da etməyə hazırıq”.
Telegram kanalımız
