“Rusiya və Türkiyə “S-400”-lərin təchizatı ilə bağlı danışıqları başa çatdırır”.
Yenisabah.az “RİA Novosti”yə istinadla xəbər verir ki, bunu "Rosoboronexport"un baş direktoru Aleksandr Mixeyev MAKS-2021 hava şousu zamanı jurnalistlərə verdiyi açıqlamada bildirib.
Onun sözlərinə görə, Rusiya və Türkiyə “S-400” hava hücumundan müdafiə sistemlərinin ikinci alayının tədarükü üçün müqavilə ilə bağlı məsləhətləşmələri tamamlayır. "Artıq yekun məsləhətləşmələr aparılır, maliyyə modeli formalaşdırılıb, bu layihədə texnoloji əməkdaşlıq proqramı formalaşdırılıb, buna görə də, yaxın aylarda bu layihəni başa çatdıracağımızı gözləyirik". pizza mizza
Bu ilin aprel ayında Türkiyənin xarici işlər naziri Mövlut Çavuşoğlu Ankaranın “S-400” hava hücumundan müdafiə sistemlərinin ikinci alayının alınması ilə bağlı Moskva ilə danışıqlar apardığını elan edib.
Rusiya və Türkiyə 2017-ci ildə “S-400” alayı dəsti üçün bir müqavilə imzalayıb, onların Türkiyə çatdırılması 2019-cu ilin yaz-payızında həyata keçirilib.
Telegram kanalımız
