Şəkinin mərkəzində peyda olan ayı ilə bağlı maraqlı məqamlar üzə çıxıb.
Şəkidən Yenisabah.az-a bildirilib ki, ac olduğuna görə meşədən şəhərə gəldiyi deyilən ayının boynunda xalta olub. Ayı ilə bağlı yayılan videolara da diqqətlə baxdıqda xaltanı görmək mümkündür.
Bu isə müxtəlif mülahizələrə səbəb olub. Ehtimal olunur ki, ayı kiminsə bağından qaçıb və güman ki, həmin şəxs məmurdur.
Yeri gəlmişkən, bu məsələ uzun illər əvvəl keçmiş nəqliyyat naziri Ziya Məmmədovun oğlu Anar Məmmədovla bağlı qalmaqalı yenidən gündəmə gətirib. Söhbət Anar Məmmədovun Qəbələdə restoranların birində müştəriləri əyləndirmək üçün saxlanılan ayını kəsdirərək kabab elətdirməsi barədə iddiadan gedir. Toyuqlu pizza
O zaman bu barədə yayılan məlumatlarda deyilirdi ki, restoran sahibi ayını kəsmək istəməsə də, Anar Məmmədov israr edib. Hətta onun restoran sahibinə bunun üçün külli miqdarda pul ödədiyi də bildirilirdi. Keçmiş nazirin oğlu isə iddiaları rədd edərək bu barədə yazan nəşrləri məhkəməyə verərək onlardan təzminat və təkzib etdi. Həmin vaxt Ziya Məmmədovun hakimiyyət komandasının söz sahiblərindən olduğundan məhkəmə Anar Məmmədovun xeyrinə qərar çıxardı.
Telegram kanalımız
