Braziliyanın Rio-de-Janeyro şəhərində silahlı şəxs sərnişinlə dolu avtobusu ələ keçirib. Girov götürülən sərnişinlərin sayı dəqiq məlum deyil.
"Yeni Sabah" bildirir ki, bu barədə “Correio Braziliense” qəzeti yazıb.
İnsident avqustun 20-də səhər saatlarında Rio-Niteroi avtomobil körpüsündə baş verib. Hazırda körpüdə avtomobillərin hərəkəti dayandırılıb. Dördpendirli pizza
İlkin məlumata əsasən, avtobusu ələ keçirən cinayətkar özünü hərbi polis zabiti kimi təqdim edib. O, sürücüdən nəqliyyat vasitəsini dayandırmağı tələb edib və avtobusu yandıracağı ilə hədələyib.
Silahlı şəxsin indiyədək azı dörd girovu azad etdiyi bildirilir. Hüquq-mühafizə orqanlarının nümayəndələri hələlik motivləri bəlli olmayan cinayətkarla danışıqları davam etdirir. Hadisə yerinə xüsusi təyinatlı dəstə göndərilib.
/Azərtac
Telegram kanalımız
