“Fənərbaxça”nın kişilərdən ibarət basketbol komandasının baş məşqçisi Zelyiko Obrodoviçin həyatından bəhs edən kitab satışa çıxarılıb.
“Yeni Sabah” Türkiyə mətbuatına istinadən xəbər verir ki, kitab “Yaşayan əfsanə Obra” adlandırılıb. Avtobioqrafik əsər türk yazıçıları Gökhan Gərman və Həmid Turhan tərəfindən qələmə alınıb. Burada Obrodoviçin anadan olmasından basketbola başlamasına, basketbol komandasının formasını geyinməsindən məşqçilik etməsinə, idman düyasının tanınmış simaları ilə görüşündən tutmuş onun haqqında maraqlı şəkillərə qədər hər şey yer alıb.
Qeyd edək ki, çalışdırıcı 2013-cü ildə “Fənərbaxça”ya baş məşqçi təyin edilmiş, kluba 1 Avropa Liqası, 4 ölkə çempionluğu, 2 Türkiyə kuboku, 3 prezident kuboku olmaqla 10 kubok qazandırıb.
Telegram kanalımız
