“Artıq İbrahima Vadji “Sent-Etyen”in futbolçusudur. Bu transferlə “Qarabağ” Azərbaycan futbol tarixinin ən bahalı satışını gerçəkləşdirdi”.
Yenisabah.az xəbər verir ki, bu sözləri Qol.az saytına açıqlamasında “Qarabağ”ın baş meneceri Asif Əsgərov deyib. Onun sözlərinə görə, Ağdam klubu Vadjinin transferindən 1 milyon 600 min avro gəlir götürəcək. Vadji bu gün Fransanın “Sent-Etyen” klubu ilə 3 illik müqavilə bağlayıb.
Qeyd edək ki, daha öncə də Azərbaycan futbolu üçün transfer satışında rekord “Qarabağ”a məxsus idi. Ağdam klubu 2010-cu ildə Vaqif Cavadovu 1 milyon avroya “Tvente”yə (Niderland) satmışdı. 2008-ci ildə isə Dino Ndlovunun Çinin “Çjetyan Qrintaun” klubuna satışından 600 min avro gəlir götürülüb. Dominos pizza
Telegram kanalımız
