Bu ilin I yarısında Azərbaycandakı 22 bankdan 5-nin xüsusi ehtiyatlara ayırmaları 10 milyon manatdan çox olub.
Yenisabah.az xəbər verir ki, sözügedən banklar “Azərbaycan Beynəlxalq Bankı”, “Kapital Bank”, “Unibank”, “PAŞA Bank” və “Turan Bank”dır. Bu bankların xüsusi ehtiyatlara ayırmaları ümumilikdə 170 milyon manat olub.
Yarımili əhatə edən hesabat dövründə 11 bankın xüsusi ehtiyatlara ayırmaları 10 milyon manatdan az olub. 6 bank isə xüsusi ehtiyatlara ayırmalar üzrə qənaət edib. pizza mizza
Son 1 ildə 22 bankdan 8-nin xüsusi ehtiyatlara ayırmaları artıb, 4-nün isə xüsusi ehtiyatlara ayırmaları azalıb. Artımın ən yüksək həddi “Xalq Bank”da (6,4 dəfə çox), ən aşağı həddi “Rabitəbank”da (18,6%), azalmanın isə ən yüksək həddi “Zıraat Bank Azərbaycan”da (27,5%), ən aşağı həddi isə “Kapital Bank”da (8,5%) qeydə alınıb.
İl ərzində cəmi 1 bank (“Yelo Bank”) xüsusi ehtiyatlara ayırmalar üzrə qənaətini 14,7% artırıb, 3 bank – İran Milli Bankının Bakı filialı, “Bank of Baku” və “Bank VTB Azərbaycan” isə xüsusi ehtiyatlara ayırmalar üzrə qənaətini müvafiq olaraq 41%, 79,6% və 83,3% azaldıb.
Telegram kanalımız
