Tiflisin meri Kaxaber Kaladze “PSJ” ilə Çempionlar Liqasını qazanan həmyerlisi Xviça Kvaratsxeliyanı tərifləyib.
Yenisabah.az xəbər verir ki, özü də keçmiş futbolçu olan Kaladze yerli mətbuata verdiyi müsahibədə 24 yaşlı futbolçunu “Qafqazın Maradonası” adlandırıb:
“Bu barədə nə demək olar ki, sadəcə qürur duyuram. O, qol vuranda çox duyğulandım. Xviça təkcə bizim yox, bütün Qafqazın fəxridir. O, hamımızın rekordunu qıracaq. Özünə də demişəm, Xviça Qafqazın Maradonasıdır. Əhsən cavan oğlan, oyna və qazan!” Dominos pizza
Qeyd edək ki, Kaxaber Kaladze “Milan” klubunun heyətində 2 dəfə Çempionlar Liqasını qazanıb. Xviça Kvaratsxeliya isə ötən gün “PSJ” klubu ilə bu kuboku qazanan növbəti gürcü futbolçu olub. O, finalda komandasının 4-cü qolunu vurub.
Telegram kanalımız
