"Real"ın sabiq baş məşqçisi Zinəddin Zidan ona gələn bir neçə təklifi qəbul etməyib.
Yenisabah.az "L'Equipe"ə istinadən xəbər verir ki, fransalı mütəxəssis ABŞ, Braziliya və Portuqaliya millilərindən təklif alsa da, bunlardan imtina edib.
Bunun əsas səbəbi kimi isə onun Fransa yığmasını çalışdırmaq istəməsi göstərilir. Düzdür, bu, yaxın gələcəkdə gözlənilmir. Çünki Fransa Futbol Federasiyası Didye Deşamla müqaviləni 2026-cı ilə qədər yeniləyib. Dördpendirli pizza
Həmçinin, onun dilini bildiyi ölkənin millisində çalışmağa üstünlük verdiyi qeyd edilib. Zidan ingilis dilini deyil, ispan dilini mükəmməl bilir. Buna görə ABŞ-dan gələn təklifə "yox" deyib.
Xatırladaq ki, Zinəddin Zidan sonuncu dəfə "Real"ı çalışdırıb və bu komanda ilə 3 də Çempionlar Liqasının və 2 dəfə İspaniya La Liqasının qalibi olub.
Telegram kanalımız
