ABŞ-ın Texas ştatında qızılca epidemiyası davam edir. Lubbok şəhərində qızılcaya yoluxan bir uşaq dünyasını dəyişib. Bu, ölkədə 2015-ci ildən sonra qızılcadan qeydə alınan ilk ölüm hadisəsidir. Bildirilir ki, uşağa qızılca peyvəndi vurulmayıb.
Yenisabah.az xarici mətbuata istinadən xəbər verir ki, Texasda fevral ayının əvvəlindən ən azı 124 nəfərin bu virusa yoluxduğu müəyyən edilib. Onlardan yalnız 5 nəfərinin peyvəndi olub, yoluxanların əksəriyyəti isə uşaqlardır. Nyu Mexico ştatında da 9 qızılca hadisəsi qeydə alınıb. Sezar pizza
ABŞ Xəstəliklərə Nəzarət və Profilaktika Mərkəzinin (CDC) məlumatına görə, qızılca hava-damcı yolu ilə (öskürək və asqırıq nəticəsində) yayılır və hər 1000 yoluxmadan 1-3-ü ölümcül nəticələnir. ABŞ-da sonuncu dəfə qızılcadan ölüm 2015-ci ildə qeydə alınmışdı, bir qadın həyatını itirmişdi. Uşaqlar arasında isə sonuncu ölüm 2003-cü ildə baş vermişdi.
Mütəxəssislər bildirir ki, qızılca peyvəndinin iki dozası xəstəliyin qarşısını 97 faiz effektivliklə alır. ABŞ-da uşaqların əksəriyyəti CDC-nin tövsiyəsi ilə ilk dozanı 1 yaşında, ikinci dozanı isə 5 yaşında alır. Lakin son illər peyvəndlə bağlı artan narahatlıqlar səbəbindən daha az sayda uşağa qızılca əleyhinə peyvənd vurulduğu bildirilir.
Əsmətxanım Rzazadə
Telegram kanalımız
