Sular altında qalma təhlükəsi ilə üzləşən Nauru ada dövləti maliyyə mənbəyi yaratmaq üçün vətəndaşlıq satışına başlayıb.
Yenisabah.az xəbər verir ki, 13 min nəfərlik əhalisi olan ada ölkəsi iqlim dəyişikliyi səbəbindən yüksələn dəniz səviyyələrinin sahil bölgələrini məhv etdiyini və əhalinin daha hündür yerlərə köçürüləcəyini elan edib. Rəsmi şəxslərin açıqlamasına görə, əhalinin 90 faizinin iç bölgələrə yerləşdirilməsi planlaşdırılır.
105 min dollara Nauru pasportu Dominos pizza
Maliyyə çətinliklərini aradan qaldırmaq üçün hökumət 105 min ABŞ dolları müqabilində xaricilərə vətəndaşlıq verməyə başlayıb. “Qızıl pasport” adı verilən bu proqram çərçivəsində İngiltərə, İrlandiya, Birləşmiş Ərəb Əmirlikləri və Honq Konq da daxil olmaqla 89 ölkəyə vizasız giriş imkanı təklif edilir.
İlk ildə 6 milyon dollar gəlir gözlənilir
Naurunun prezidenti David Adeanq bu addımın yalnız iqlim dəyişikliyinə uyğunlaşma məqsədi daşımadığını, eyni zamanda, gələcək nəsillər üçün davamlı bir həyat təmin etməyə yönəldiyini bildirib.
Vətəndaşlıq proqramına rəhbərlik edən Edvard Klark, ilk il ərzində 6 milyon dollar gəlir əldə etməyi planlaşdırdıqlarını, gələcəkdə isə bu məbləğin 43 milyon dollara çata biləcəyini qeyd edib.
Əsmətxanım Rzazadə
Telegram kanalımız
