Koronavirusa yoluxan Azərbaycanın tanınmış məşqçisi Qəhrəman Əliyev hələ komadan ayılmayıb.
Yenisabah.az xəbər verir ki, bu barədə mətbuata onun qohumları məlumat verib.
Bildirilib ki, dekabrın 14-də Bakıdan Masallıya gətirilərək, özəl klinakaların birinə yerləşdirilən mütəxəssisin müalicə prosesi davam etməkdədir. İki aydan artıqdır komada olan çalışdırıcının sağlıq durumu orta-ağır qiymətləndirilir. Dördpendirli pizza
Düzdür, virusun əlamətləri artıq ağciyərdə özünü göstərmir, ancaq uzun müddətdir hərəkətsiz qaldığı üçün bədənin müxtəlif nahiyələrində yaralar əmələ gəlib. Həkimlər gündə 2 fizioterapiya kursu ilə onun əzalarını oyatmağa çalışır.
Tibbi personal ötən müddətdə beyin insultu keçirmiş Qəhrəman bəyin nə vaxt komadan çıxacağını proqnozlaşdırmağa çətinlik çəkir. Bu, pasiyentin immun sisteminin yaşadığı problemlərə müqavimət gücündən asılıdır. Son rəy isə budur ki, müalicə proseduru daha 6 ay davam edəcək.
Telegram kanalımız
