"İndiyədək Azərbaycanın bütün coğrafiyası boyu 2400-dək ümumtəhsil məktəbində dizenfeksiya işləri aparılıb".
"Yeni Sabah" xəbər verir ki, bu barədə Təhsil Nazirliyinin İctimaiyyətlə əlaqələr sektorunun müdiri Cəsarət Valehov bildirib.
O, qeyd edib ki, proses davam edəcək:
"Bu proses növbəti 5-6 gün ərzində bağçalardan tutmuş universitetlərədək bütün təhsil müəssisələrini əhatə edəcək"
Xatırladaq ki, Nazirlər Kabinetinin qərarı ilə Azərbaycandakı bütün təhsil müəssisələrində tədris martın 3-dən 9-na qədər dayandırılıb. Tədris fasiləsindən sonra ilk dərs günü martın 10-u müəyyən edilib. Telegram kanalımız