294 yaralı - İsrail qüvvələrindən fələstinli nümayişçilərə müdaxilə

İordan çayının qərb sahilində yəhudi məskənlərinin salınmasına qarşı keçirilən nümayişlərə İsrail qüvvələrinin müdaxiləsi nəticəsində 294 fələstinli yaralanıb.

Yenisabah.az xəbər verir ki, bu barədə Fələstin Qızıl Aypara Cəmiyyəti məlumat yayıb.

İsrail qüvvələrinin müdaxiləsi əsnasında, 84 nəfərin plastik güllə ilə yaralandığı diqqətə çatdırılıb. Açıqlamaya görə, fələstinlilər İsrail qüvvələrinə daş ataraq cavab verib. Toyuqlu pizza

Qeyd edək ki, İordan çayının qərb sahilində və Qüdsdə hazırda təxminən 650.000 yəhudi köçkününün olduğu təxmin edilir.