Türkiyənin İsparta vilayətinin Çaltı kəndində yaşanan hadisə hər kəsi şoka salıb.
Yenisabah.az xəbər verir ki, 93 yaşlı Mehmet A.K. adlı kişi bir əlində əsa, digər əlində isə silahla küçəyə çıxaraq aralarında qohumu da olan kənd sakinlərinə atəş açıb.
İddialara görə, Mehmet A.K. ilə onun 57 yaşlı qohumu Kemal Ç. arasında mübahisə yaranıb. Mübahisə getdikcə gərginləşib və nəticədə yaşlı kişi evindən silah gətirərək ona atəş açıb. Güllələrdən biri Kemal Ç.-yə dəyib və o, ağır yaralanıb. pizza sifarişi
Bundan başqa, həmin vaxt ərazidə olan 8 yaşlı uşaq – Emirhan P. və daha bir kənd sakini Ş.A. da açılan atəş nəticəsində xəsarət alıblar. Yaralılar təcili tibbi yardım maşınları ilə xəstəxanaya aparılıb.
Hadisə anı kəndin təhlükəsizlik kameralarına da düşüb. Kadrlarda Mehmet A.K.-nın əsa ilə kənd meydanına gəldiyi və ardıcıl şəkildə atəş açdığı görünür.
Şübhəli şəxs saxlanılıb və məhkəməyə çıxarılaraq barəsində həbs qətimkan tədbiri seçilib.
Məsələ ilə bağlı araşdırma davam edir.
Aytac Əliyeva
Telegram kanalımız
