“Hökümət yenidən sərt karantin tədbirlərinə əl atdı. Bu, gözlənilən idi. Çünki sevimli millətimi anlamıram. Hələ də çoxları koronavirusun olduğuna inanmır. Sadə fəhləsi də, məmuru da”.
Yenisabah.az xəbər verir ki, by sözləri tanınmış yazıçı Elçin Hüseynbəyli deyib. Bakının Nizami rayonu ərazisində yerləşən "Neftçilər" metrosunun yaxınlığında yaşadığını qeyd edən yazar insanların virusa qeyri-ciddi münasibətindən şikayətlənib:
“Əksəriyyətin vecinə deyil. Axşamlar ağız-ağıza öpüşür, qol-boyun gəzirlər. "Uhan bazarı" dediyim "Vosmoy bazarı" əsl koronavirus imperiyasıdır. Əsas ocaq ordadır. Adamlar bir-birinin içində, belindədir. Barmaqla sayılası adamda maska görərsən. Və ən dəhşətlisi budur ki, nəzarət yoxdur. Hələ mən "Neftçilər" ərazisində kiminsə cərimələndiyinin, yaxud cəzalandırıldığının şahidi olmamışam. Cəzasılıq adamları arxayınlaşdırır. Kimdən kimə şikayət edək, bilmirəm!” Dördpendirli pizza
Telegram kanalımız
