Aİ-nin Cənubi Qafqaz üzrə xüsusi nümayəndəsi Maqdalena Qrono Ermənistan və Azərbaycan arasında sülh prosesində müsbət addımlardan məmnunluğunu ifadə edib.
Yenisabah.az xəbər verir ki, bu barədə o, X mikrobloqunda yazıb:
“Azərbaycan və Ermənistan arasında sülh prosesində son vaxtlar atılan bir sıra müsbət addımlar, o cümlədən Azərbaycanın öz ərazisindən Ermənistana malların tranzitinə qoyulan məhdudiyyətləri aradan qaldırmaq barədə bəyanatı məni çox ruhlandırır”. pizza
Xatırlatma: Azərbaycan Prezidenti İlham Əliyev oktyabrın 21-də bəyan edib ki, Azərbaycan öz ərazisindən Ermənistana yüklərin tranzitinə qoyulan bütün məhdudiyyətləri aradan qaldırıb.
O, Qazaxıstan Prezidenti Qasım-Jomart Tokayevlə birgə mətbuat konfransında bildirib: "Qeyd etmək istərdim ki, Azərbaycan Ermənistana malların tranzitinə qoyulan bütün məhdudiyyətləri aradan qaldırıb. İlk belə tranzit Qazaxıstan buğdasının Ermənistana daşınması olub. Hesab edirəm ki, bu, həm də yaxşı göstəricidir ki, Azərbaycan və Ermənistan arasında sülh artıq kağız üzərində deyil, əməli ifadəyə malikdir".
Daha sonra Ermənistan Baş nazirinin mətbuat katibi Nazeli Baqdasaryan bildirib ki, Ermənistan Azərbaycan prezidentinin Ermənistana yük tranzitinə qoyulan bütün məhdudiyyətləri aradan qaldırmaq barədə bəyanatını alqışlayır. İqtisadiyyat naziri Gevorq Papoyan qeyd edib ki, Qazaxıstandan buğdanın ilk partiyası tezliklə Azərbaycan vasitəsilə Ermənistana gələcək.
Telegram kanalımız
