YENISABAH.AZ-a icazə verərək ən aktual xəbərləri dərhal öyrənə bilərsiniz.
İlk bilən siz olun!
Daha sonra
İcazə ver
Anna Byerde: “Dünya Bankı Azərbaycana 4,5 mlrd dollardan çox investisiya yatırıb”

Anna Byerde: “Dünya Bankı Azərbaycana 4,5 mlrd dollardan çox investisiya yatırıb”

İqtisadiyyat

14 Sentyabr 2022 17:42 1626


“Dünya Bankı Azərbaycan iqtisadiyyatına 4,5 milyard ABŞ dollardan çox investisiya yatırıb”.

Yenisabah.az Report-a istinasdla xəbər verir ki, bunu Dünya Bankının Avropa və Mərkəzi Asiya regionu üzrə vitse-prezidenti Anna Byerde Bakıda keçirilən “Azərbaycan: Dəyişən qlobal iqtisadiyyatda inkişaf perspektivləri” adlı forumda deyib.

Ümumilikdə Dünya Bankı Azərbaycanda kənd təsərrüfatı, infrastruktur, enerji, ətraf mühit və regionların inkişafı daxil olmaqla, demək olar ki, bütün fəaliyyət sektorlarında 50-yə yaxın layihə həyata keçirib.

A.Byerde Dünya Bankının Azərbaycanda neft və su təchizatı sektorunda həyata keçirdiyi iki layihəni xüsusilə vurğulayıb.

O deyib: "Azərbaycanla əməkdaşlığımız ölkənin müstəqilliyinin əldə edilməsindən və iqtisadi transformasiyanın başlanmasından indiyədək davam və inkişaf edir".

Vitse-prezidentin sözlərinə görə, son 30 il ərzində Azərbaycan iqtisadiyyatı əhəmiyyətli dərəcədə böyüyüb, müxtəlif sahələrdə mühüm islahatlar aparılıb.


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!