Moskva və Tehran İranın şimalında Rəşt-Astara dəmir yolu xəttinin tikintisi ilə bağlı bütün detalları yekunlaşdırıb və razılığa yaxınlaşırlar.
"Yeni Sabah" Interfax-a istinadla xəbər verir ki, tərəflər müqaviləni aprel ayında Moskvada keçirilən "Nəqliyyat Həftəsi" zamanı imzalamaq niyyətindədirlər.
"Torpaq qeydiyyatı və təşviqlərin alınması da daxil olmaqla, əvvəllər həll olunmamış demək olar ki, bütün məsələləri həll etdik. Bu gün müzakirə etdik ki, bu layihənin başlanması ilə bağlı yekun razılaşma aprelin 1-də Rusiyada keçirilən "Nəqliyyat Həftəsi" zamanı imzalanacaq", - bunu Rusiyanın energetika naziri Sergey Sivilyov bildirib. pizza hut
Xatırlatma: ötən ilin may ayında Rusiya və İran Rəşt-Astara dəmir yolu xəttinin tikintisi üzrə tədqiqat işlərinə başlayıblar. Bu hissə Şimal-Cənub Beynəlxalq Nəqliyyat Dəhlizinin (ŞBND) bir hissəsi olacaq.Multimodal dəhlizin yaradılması ilə bağlı razılaşma 2000-ci ildə Rusiya, İran və Hindistan arasında imzalanıb və hazırda 12 ölkəni əhatə edir. Dəhliz üç marşrutu əhatə edir: Xəzər dənizinin qərb sahili boyunca qərb marşrutu, şərq sahili boyunca şərq marşrutu və Xəzər dənizindən keçən Transxəzər marşrutu.
Telegram kanalımız
