Bu gün futbol üzrə Avropa çempionatında 1/8 final mərhələsinin növbəti oyunları keçiriləcək.
Yenisabah.az xəbər verir ki, bu gün daha 2 qarşılaşma gerçəkləşəcək.
Baş tutacaq qarşılaşmalardan sonra 1/4 final mərhələsinin ilk iki cütlüyü də müəyyənləşəcək. Toyuqlu pizza
Günün ilk matçı Budapeştdə olacaq. Yer aldığı qrupu maksimum nəticə ilə başa vuran Niderland Çexiyanı sınağa çəkəcək. Bu görüşün azərbaycanlı azarkeşlər üçün önəmi daha böyükdür. Çünki qalib gələcək komanda 1/4 finalda Danimarka ilə Bakı Olimpiya Stadionunda üz-üzə gələcək.
Erkən finallardan sayılan cütlükdə Belçika ilə son çempion Portuqaliya Sevilyada münasibətlərinə aydınlıq gətirəcək. Bu dueldən üzüağ çıxacaq tərəf növbəti mərhələdə İtaliyaya rəqib olacaq.
AVRO-2020
1/8 final
27 iyun
20:00. Niderland – Çexiya
Baş hakim: Sergey Karasyov (Rusiya)
Budapeşt. “Puşkaş Arena”
23:00. Belçika – Portuqaliya
Baş hakim: Feliks Brix (Almaniya)
Sevilya. “Kartuya” stadionu
Telegram kanalımız
