Azərbaycan Beynəlxalq Valyuta Fondundan (BVF) xüsusi borclanma haqları (SDR) şəklində təxminən 530 milyon ABŞ dolları alacaq.
Yenisabah.az xəbər verir ki, vəsait BVF-nin anti-böhran bölgüsü çərçivəsində ayrılır.
Qeyd olunur ki, bu həll bütün üzv ölkələrə fayda verəcək, uzunmüddətli ehtiyata olan ehtiyacın ödənilməsinə kömək edəcək və dünya iqtisadiyyatının dayanıqlılığına və sabitliyinə töhfə verəcək. Pepperoni pizza
Fondun üzv ölkələrinin (190 ölkə) alacağı vəsaitlərin ümumi məbləği 650 milyard ABŞ dollarıdır (456 milyard SDR), o cümlədən inkişaf etməkdə olan ölkələr üçün 275 milyard ABŞ dolları ayrılacaq. Bu, BVF tarixində ən böyük maliyyə bölgüsüdür.
Müvafiq qərar BVF-nin İdarə Şurası tərəfindən avqustun əvvəlində təsdiqlənib.
Qeyd edək ki, Azərbaycanın BVF-dəki kvotası 391,7 milyon SDR (təxminən 555 milyon ABŞ dolları), xüsusi çəkisi isə bütün vəsaitin 0,08%-ni təşkil edir./Report
Telegram kanalımız
