Azərbaycan OPEK-ə üzv olmaq məsələsini nəzərdən keçirmir.
Yenisabah.az xəbər verir ki, bu barədə jurnalistlərə ölkənin energetika naziri Pərviz Şahbazov məlumat verib.
“Prinsipcə, bu, yeni xəbər deyil, belə suallar qaldırılmalıdır. Amma hazırda biz bunu nəzərdən keçirmirik”, - o bildirib. Pepperoni pizza
Qeyd edək ki, çərşənbə günü OPEC Azərbaycana təşkilata üzv olmağı təklif edib. Bu, Azərbaycanın energetika naziri Pərviz Şahbazovun Vyanada OPEC-in baş katibi Haysam Əl Qays ilə görüşündə baş verib.
Məlumata görə, OPEK-in baş katibi ilə müzakirələr zamanı dünya neft bazarının tarazlaşdırılması istiqamətində atılan addımlar və neft sənayesinin inkişafı ilə bağlı məsələlər müzakirə olunub. Həmçinin, gələcəkdə enerji təhlükəsizliyinin təmin edilməsi məqsədilə bütün tərəflərin iştirakı ilə dialoq və əməkdaşlıq mühitinin yaradılmasının zəruriliyi qeyd edilib./Oxu.az
Telegram kanalımız
