2023-cü ilin ikinci rübündə “AFB Bank”ın vaxtı keçmiş kreditləri 54,96 milyon manata yüksəlib.
“Yeni Sabah”ın hesablamasına görə, sözügedən bankın vaxtı keçmiş kreditləri ilin əvvəli ilə müqayisədə 2023-cü ilin iyulun 1-nə 68,5% və ya 22,34 milyon manat artıb. İlin əvvəlində bankın vaxtı keçmiş kreditləri 32,6 milyon manat təşkil etmişdi.
Bankın vaxtı ötmüş kreditlərinin kəskin artması onun ümumi portfeldə çəkisini 19,1%-dən 32,2%-ə yüksəldib.
Bu ilin ilk yarısında “AFB Bank”ın ümidsiz kreditlərində isə azalma müşahidə edilib.
Bankın vaxtı bir ildən artıq ötmüş kreditləri 18,91 milyon manatdan 16,13 milyon manata enib. Başqa sözlə, son altı ayda ümidsiz kreditlər 14,7% və ya 2,78 milyon manat azalıb.
Telegram kanalımız
