Ölkə daxilində davam edən elektrik kəsintiləri fonunda İran Ermənistan, Azərbaycan və Türkmənistandan enerji idxalına qərar verib.
Yenisabah.az IRNA-ya istinadla xəbər verir ki, bu barədə elektrik enerjisi sənayesinin rəsmi nümayəndəsi Müctəba Rəcəbi Məşhədi məlumat verib.
Onun sözlərinə görə, enerji ixracatı demək olar ki, tamamilə dayandırılıb. "Hazırda elektrik enerjisi Türkmənistan, Ermənistan və Azərbaycandan idxal olunur... Əfqanıstana cəmi 50 meqavat enerji ixrac edirik". Dominos pizza
Bundan əvvəl İran mediası, 1000 meqavat gücündə iki elektrik stansiyasında elektrik enerjisinin kəsilməsi barədə məlumat yaymışdı. Ölkənin hər yerində dövlət idarələrində, yaşayış və sənaye obyektlərində elektrik enerjisi kəsilir. Xüsusilə, keçən həftə sonu İranda elektrik enerjisində kəsintilər oldu, bunun həftənin birinci yarısında yenidən baş verməsi mümkündür. Ölkə rəhbərliyi vətəndaşlardan xüsusilə günortadan sonra elektrik istehlakını mümkün qədər azaltmalarını istədi.
Telegram kanalımız
