Azərbaycan milli komandası Paris-2024 Yay Olimpiya Oyunlarında uğurlu çıxışını davam etdirir.
QOL.az-ın xəbərinə görə, cüdoda 2 qızıl medal qazanan (Hidayət Heydərov, Zelim Kotsoyev) milli komandamız boksda ən azı 1 bürünc medalı təmin edib. 92 kq. çəki dərəcəsində yarışan Alfonso Dominges yarımfinalda çıxış edəcək. O, qarşıdakı görüşdə uduzsa belə, Azərbaycan millisinə bürünc medal qazandıracaq. Lakin əlbəttə, o, qalib gələcəyi halda medalın əyarı artıq qızıl və ya gümüş də ola bilər.
Azərbaycan milli komandasına medal qazandıracaq idman növləri sırasında güləş həmişə ön sırada olub. Azərbaycan qatıldığı bütün Yay Olimpiya Oyunlarında medallar qazanıb. Odur ki, Paris-2024-də də güləşçilərimizin medal qazanmaq ehtimalı yüksəkdir. Toyuqlu pizza
33-cü Yay Olimpiya Oyunlarında Azərbaycanı ümumən 12 güləşçi təmsil edəcək. Onlardan 5-i Yunan-Roma, 6-sı sərbəst güləş, 1-i isə qadın güləşində yarışacaq. Güləşçilərimiz mübarizəyə avqustun 5-də başlayacaq. Avqustun 11-də isə bu idman növündə yarışlara yekun vurulacaq.
Azərbaycan güləşçilərinin yarış təqvimi
Yunan-Roma güləşi
5 avqust
Murad Məmmədov (60 kq)
Sabah Şəriəti (130 kq)
6 avqust
Sənan Süleymanov (77 kq)
7 avqust
Həsrət Cəfərov (67 kq)
Rafiq Hüseynov (87 kq)
Qadın güləşi
Mariya Stadnik (50 kq)
Sərbəst güləş
8 avqust
Əliabbas Rzazadə (57 kq)
Osman Nurmaqomedov (86 kq)
9 avqust
Turan Bayramov (74 kq)
Giorgi Meşvildişvili (125 kq)
10 avqust
Hacı Əliyev (65 kq)
Maqomedxan Maqomedov (97 kq)
Telegram kanalımız
