Azərbaycanın DÇ-2022-nin seçmə mərhələsindəki rəqibi İrlandiya yığmasının baş məşqçisi Stefen Kenni millimizlə oyundan sonra istefaya göndərilə bilər.
Yenisabah.az xəbər verir ki, bu barədə İrlandiya millisinin sabiq futbolçusu Toni Kaskarini danışıb.
O, 49 yaşlı mütəxəssisi dəstəkləsə də, Azərbaycan yığması ilə matçdan sonra istefaya göndəriləcəyini deyib. Dominos pizza
Kaskarini bu vəzifəyə hazırda "Nottingem Forest"i çalışdıran Kris Hyutonun əsas namizəd hesab edildiyini bildirib:
“Nümayəndələr Kenninin yaxın gələcəkdə istefaya göndəriləcəyi təqdirdə, ehtimal olunan namizədin Hyuton olduğunu vurğulayıblar. Mən də onun yığmadakı problemləri həll edəcəyini düşünürəm. Fikrimcə, yeni çalışdırıcı məhz Hyuton olacaq".
Qeyd edək ki, oktyabrın 9-u Bakı Olimpiya Stadionunda keçiriləcək Azərbaycan-İrlandiya oyunu saat 20:00-da başlayacaq.
Tərəflər arasında daha əvvəlki matç 1:1 hesabı ilə başa çatıb.
Telegram kanalımız
