"Zirə”nin futbolçusu Eldar Quliyev Ukraynanın Olimpiya millisinə çağırılıb.
Yenisabah.az Ukrayna Futbol Federasiyasının saytına istinadən xəbər verir ki, 21 yaşlı yarımmüdafiəçinin adı Macarıstanda (17-25 mart) təlim-məşq toplanışı və Yaponiya ilə yoldaşlıq oyunu üçün baş məşqçi Ruslan Rotanın heyətində yer alıb.
"Sabah"ın keçmiş futbolçusu Aleksey Kaşuk da milliyə dəvət olunub. pizza
Qeyd edək ki, Ukraynanın U-21 yığması Avro-2023-də yarımfinala yüksələrək tarixində ilk dəfə Parisdə keçiriləcək Olimpiya Oyunlarında iştirak hüququ əldə edib.
Xatırladaq ki, 2024-cü il Olimpiya Oyunlarının futbol turnirlərinin püşkatma mərasimi martın 20-də Parisdə olacaq. Turnir iyulun 24-dən avqustun 9-dək Fransanın Paris, Marsel, Lion, Bordo, Sent-Etyen, Nitsa və Nant şəhərlərində təşkil olunacaq.
Telegram kanalımız
