Balakəndə kiçiktutumlu yük maşını atlını vurub.
Yenisabah.az xəbər verir ki, hadisə axşam saat 21:00 radələrində Balakən-Qazbinə-İtitala avtomobil yolunun rayonun Kortala kəndi ərazisindən keçən hissəsində baş verib.
“Ford” markalı kiçiktutumlu yük maşını hərəkətdə olarkən onun yoluna atlı çıxıb. Qəza zamanı atlı - rayonun Kortala kənd sakini, 23 yaşlı Elmar Akif oğlu Abdullayev aldığı ağır xəsarətlərdən hadisə yerində keçinib. Onun meyiti müayinə edilməsi üçün məhkəmə-tibb ekspertizasına təhvil verilib. Qəza zanamı at da tələf olub. pizza hut
Faktla bağlı Balakən Rayon Polis Şöbəsində araşdırma aparılır. /APA
Telegram kanalımız
