Boris Consonun yeni doğulan övladının adı məlum olub.
Yenisabah.az xəbər verir ki, bu barədə Boris Consonun nişanlısı Kerri Simonds özünün instagram səhifəsində məlumat verib. Cütlük yeni doğulan övladlarını Vilfred Louri Nikolas Conson adlandırıblar.
K.Simonds yeni doğulan körpəyə Boris Consonun babası Vilfred və özünün babası Lourinin adının verildiyini deyib. Kerri Simonds əlavə edib ki, Nikolas adı isə ötən ay koronavirusa görə reanimasiyada müalicə alan Boris Consonun sağalmasında əvəzsiz rol oynayan Nick adında iki həkimin şərəfinə seçilib. Sezar pizza
Xatırladaq ki, Boris Conson aprelin 29-da yenidən ata olub. Baş nazir və K. Simonds ötən ilin sonunda nişanlanıblar. B. Conson “10 Downing Street”də nikahsız yaşayan ilk Baş Nazirdir.
Boris Consonun əvvəlki həyat yoldaşından Lara (26 yaş), Milo (24 yaş), Cassia (22 yaş) və Theodore (20 yaş) adlı övladları var. Britaniya Baş Nazirinin nigahdan kənar 11 yaşlı Stefani adlı başqa bir qızı da var. /APA
Telegram kanalımız
