Biləsuvar rayon sakini itkin düşüb.
Yenisabah.az xəbər verir ki, bu barədə “Report”a onun yaxınları məlumat veriblər.
Belə ki, Biləsuvar şəhəri, Salatın Əsgərova küçəsinin sakini, 1997-ci il təvəllüdlü Hüseynzadə Günel Şaiq qızı mayın 12-də axşam saatlarında yaşadığı ünvandan naməlum istiqamətdə çıxaraq geri qayıtmayıb. Pepperoni pizza
Onun boyu 165 santimetr, gözləri qəhvəyi, qara saçlı, orta bədən quruluşludur. Evdən çıxarkən əynində göy cins şalvar, bənövşəyi kofta, qara idman ayaqqabısı, qara hicab olub.
Onu görənlərdən DİN-nin 102 xidmətinə və 050 491 55 84 nömrəsinə zəng vurub məlumat vermələri xahiş olunur.
Məsələ ilə bağlı DİN-in Mətbuat Xidmətinin Lənkəran regional qrupunun baş inspektoru, polis kapitanı Məhəmməd Rzayev bildirib ki, qadının tapılması istiqamətində axtarış tədbirləri həyata keçirilir.
Qeyd edək ki, G.Hüseynzadənin iki övladı var.
Telegram kanalımız
