UEFA Avro Liqasının final mərhələsinin Bakıda keçirilməsi ilə bağlı xarici qüvvələrin narazılığı davam edir. Bu dəfə Böyük Britaniyanın Amnesty İnternational(Aİ) təşkilatı Azərbaycanda Avropa Liqasının finalının keçirilməsini pisləyib və bunu ölkədə insan haqlarının vəziyyəti ilə əlaqələndirib.
Məsələylə bağlı “Yeni Sabah” a danışan Bakı Politoloqlar Klubunun rəhbəri Zaur Məmmədov bildirib ki, Azərbaycanda Avro Liqanın final mərhələsinin keçirilməsi ərəfəsində beynəlxalq müəyyən qruplar anti-Azərbaycan siyasəti yürütməyə başlayıblar:
“Baxmayaraq ki, futbol dostluq oyunudur, insanları birləşdirir, amma Amnesty İntenational kimi təşkilatlar burada da əllərinə düşən fürsəti istifadə edirlər. Bildiyiniz kimi, Avropa bu gün siyasi cəhətdən genişlənməkdədir. Siyasi coğrafiyası genişləndikcə, müxtəlif idman yarışları, “Eurovision”, UEFA Çempionlar Liqası ayrı-ayrı ölkələrdə keçirilməkdədir. UEFA Çempionlar Liqasının Türkiyə və Ukraynada keçirilməsi də buna əyani misaldır. Sezar pizza
Bu dəfə növbə Bakının idi. Təbii ki, UEFA-nın bu seçimi futbolun coğrafiyasının genişlənməsi idi və UEFA doğru olaraq Bakını seçdi.
Biz Azərbaycana qarşı süni ajiotajı görmüş olduq. Əgər Amnesty İnternational-ı həqiqətən insan hüquqları məsələsi narahat edirsə, insanların hüququnu qorumaq istəyirsə, o zaman müəyyən dövlətlərə ikili yanaşmamalı, ikili standartlardan istifadə etməməlidir. Biz bu ölkələrin hansılar olduğunu bilirik. Ayrı-ayrı regionlarda, hətta komendat saatının olması, müxtəlif ölkələrdə etnik qruplara qarşı zor tətbiq etmək kimi hallar var. Lakin həmin ölkələr bir kənarda qalıb təşkilat Azərbaycanla məşğuldur.
Əgər Azərbaycan onu narahat edirsə, o zaman bir milyona yaxın qaçqın və məcburi köçkünün vəziyyəti , bugünədək çadrlarda böyüyən körpələr, Qarabağlı azərbaycanlıların taleyi onu narahat etsin. Xocalı və digər bölgələrdə ermənilərin kişilərin olmadığı kəndlərə, rayonlara hücum etməsi nəticəsində qadın və uşaqların qətlə yetirilmələri, soyqırım törətmələri onları narahat etsin. Niyə məhz bu təşkilat ermənilərin cinayətinə göz yumur, bu gün Ermənistanda baş verən hüquqi sahədəki zorakılığa, siyasi hakimiyyətin məhkəmələrə göstərdikləri təzyiqlərə göz yumur?”.
Z.Məmmədov Amnesty İnternational-ın öz saytında onların əsas məramının dövlət və siyasi hakimiyyətlərdən asılı olmadığını yazdığını qeyd edib:
“Ona görə onlar dövlətlərdən heç bir yardım almırlar. Bəli onlar guya könüllü ianələr alırlar, bu ianələri verənlər isə müxtəlif dövlət kəşfiyyat orqanlarıdır. Bunların da əsas məqsədlərinin nə olduğunu hamı çox yaxşı bilir. Yəni küləyin hansı tərəfdən gəldiyi bizə çox yaxşı məlumdur. Lakin Azərbaycan öz haqqı olan UEFA finalını Bakıda çox yüksək səviyyədə keçirəcək. Bakı hər zaman tolerantlığın, multikulturalizmin paytaxtı, vətəni olub”.
Politoloq erməni idmançının Bakıya gəlib-gəlməməsi ilə bağlı məsələyə də münasibət bildirib:
“Bundan qabaq da erməni idmançıları Azərbaycanda iştirak edirdilər. Bu dəfə də iştirak edəcəklər. Mxitaryanın Bakıya gəlməməsinə gəldikdə isə bundan bir ajiotaj yaratmağa ehtiyac yoxdur. Əgər “Arsenal” komandası öz futbolçusunu göndərmək , onun qiymətini artırmaq istəyirsə, özü bilər. Lakin bu kimi çirkin siyasətdən istifadə etmək yolverilməzdir. Bakının Londondan uzaqda yerləşməsi, Mxitaryanın Bakıya gəlməməsi Azərbaycanın problemi deyil. Mxitaryana təhlükəsizlik üzrə bütün vədlər verilib. Amma onun gələn ürəyi yoxdursa, o zaman bu, onun problemidir.
O ki qaldı digər məsələlərə - yol uzaqdır, bilet bahadır və s. Bildirim ki, Bakıdan da Londona olimpiada və yarışlara getmək üçün bilet ucuz deyil və çoxlu vaxt aparır. Şərqi Avropa ölkələri də eyni problemlərlə Londona gedərkən rastlaşırlar. Bu açıq - aşkar ingilis eqoizmidir, çox gülüncdür. Bununla, onlar yenə də Avropa eqo sentrikliyini göstərmiş oldular”.
Qeyd edək ki, Amnesty İnternational 1961- cil ildə Böyük Britaniyada yaradılan, insan haqlarının təbliği sahəsində tədqiqatlar və hərəkətlər həyata keçirən qeyri-hökumət təşkilatıdır.
Əsmər Qabil
Telegram kanalımız
