“Dünən Azərbaycan Prezidenti tərəfindən əhalini sevindirəcək 15 sərəncam imzalandı. Baxmayaraq ki, 2019-cu ilin əvvəllərində əhalinin müxtəlif sosial kateqoriyalarına aid olan, insanları sevindirəcək sosial artım ilə qarşılaşmışıq. Lakin 18 iyun 2019-cu il tarixdə verilən sərəncamla biz yenidən əmək haqqlarının artırılmasının şahidi olduq”.
Bu sözləri “Yeni Sabah”a açıqlamasında Bakı Politoloqlar Klubunun rəhbəri Zaur Məmmədov deyib. O bildirib ki, minimal əmək haqqıya görə artıq Azərbaycan MDB-də Rusiya və Belarusiya ilə birlikdə ilk üçlükdə qərarlaşıb:
“Bundan əvvəl də belə idi, lakin iqtisadi böhrandan sonra neft və qazla zəngin olan ölkədə milli valyutanın inflyasiyasından sonra bir qədər vəziyyət dəyişmişdi. Lakin qısa müddət ərzində aparılan iqtisadi, maliyyə sahəsindəki islahatlar Azərbaycanın yenidən həmin kürsüyə qayıtmasına gətirib çıxartdı. Ümumilikdə, islahatların əsas səbəbi təbii ki, əhalinin sosial rifahının yüksəldilməsidir. Bütün bunların da bir amili var, xalqın həyatını düzəltmək. Keçən il bu 130 manat idi. İlin əvvəlində verilən sərəncamla minimum məbləğ 180 manat oldu. Eyni zamanda fərmana görə, minimum əmək haqqından əlavə dövlət qulluqçularının aylıq vəzifə maaşlarının 50% artırılması, hərbi və hüquq mühafizə orqanlarının xüsusi rütbəli əməkdaşlarının və mülki işçilərinin əmək haqqılarının 40% artırılması, dövlət ümumtəhsil və peşə təhsil müəssisələrində çalışan bilik və bacarıqların diaqnostik qiymətləndirilməsi aparılan müəllimlərin vahid əmək haqqının orta hesabla 20%, dövlət büdcəsindən maliyyələşən bir sıra təşkilatlarda çalışan şəxslərin də aylıq maaşının 40% artırılması nəzərdə tutulub”. Marqarita pizza
Z.Məmmədov qeyd edib ki, İlham Əliyevin müvafiq sosial paket çərçivəsində imzaladığı qanunvericilik aktları 3 milyona yaxın insanın sosial müdafiəsinin gücləndirilməsi sayəsində inqilabi addım olub:
“Bu məqsədlər üçün 1,5 milyard manat ayrılmışdı. Bu dəfə də əmək haqqlarının artırılmasını az qala bütün sahələrdəki insanlara şamil edə bilərik. Təbii ki, Prezident İlham Əliyevin qəbul etdiyi bu qərarlar əhalini məmnun etməyə bilməz. Bu o deməkdir ki, Azərbaycan bu illər ərzində bir çox ölkələrdən fərqli olaraq düzgün, rasional siyasət quraraq dünyadakı iqtisadi böhrana baxmayaraq, bu istiqamətdə mühüm addımlar atmış oldu. Bu mərhələni üzü ağ, başıyuxarı olaraq keçə bildik”.
Qeyd edək ki, Prezident İlham Əliyevin ötən gün imzaladığı sərəncamlarla müəllimlərin və bir çox dövlət qulluqçularının əmək haqqıları artırılıb.
Əsmər Qabil
Telegram kanalımız
