Cəlilabadda narkotik vasitələrin qanunsuz dövriyyəsi ilə məşğul olan şəxslər saxlanıldı.
Bu barədə Yenisabah.az-a Daxili İşlər Nazirliyinin Lənkəran regional qrupundan məlumat verilib.
Bildirilir ki, Masallı şəhər sakinləri R.Ramazanov və A.Bəşirov sonuncunun idarə etdiyi “Vaz-21014” markalı avtomobildə Cəlilabad rayonu ərazisində saxlanılaraq Rayon Polis Şöbəsinə gətiriliblər. Pepperoni pizza
Qeyd olunur ki, onların olduğu avtomobilə keçirilən baxış zamanı ön sərnişin oturacağının alt hissəsində bir ədəd bağlamada çəkisi 1 kiloqram 320 qram narkotik vasitə heroin, iki ədəd qabda ümumi çəkisi 1 kiloqram 680 qram psixatrop maddə metamfetamin aşkarlanaraq götürülüb.
R.Ramazanovun həmin narkotik vasitə və psixatrop maddəni İran vətəndaşı Şirzad adlı şəxs vasitəsilə əldə etdiyi və Ələt-Astara avtomobil yolunun kənarında əvvəlcədən gizlədilmiş yerdən götürdüyü müəyyən edilib.
Faktla bağlı Cəlilabad Rayon Polis Şöbəsində araşdırma aparılır.
Telegram kanalımız
