UEFA Çempionlar Liqasında ilk finalçı məlum olub.
Yenisabah.az xəbər verir ki, Fransada keçirilən ilk matçda PSJ-yə 2:1 hesabı ilə qalib gələn İngiltərənin "Mançester Siti" klubu cavab oyununda da rəqibini məğlub edərək finala yüksəlib.
Mançester təmsilçisinin hər iki qolunun müəllifi Riyad Mahrez olub. Qonaqların heyətində Anxel Di Mariya 69-cu dəqiqədə qırmızı vərəqə alaraq, komandasını azlıqda qoyub. pizza sifarişi
"Mançester Siti"nin finaldakı rəqibi bu gün keçiriləcək "Çelsi" (İngiltərə) - "Real Madrid" (İspaniya) oyunundan sonra bəlli olacaq. İlk matç 1:1 hesabı ilə başa çatıb.
UEFA Çempionlar Liqası, yarımfinal
Cavab oyunu
23:00. "Mançester Siti" (İngiltərə) - PSJ (Fransa) - 2:0
Qollar: Riyad Mahrez, 11; 63
Qırmızı vərəqə: Anxel Di Mariya, 69 (PSJ)
İlk oyun - 2:1
Qeyd edək ki, Çempionlar Liqasının final oyunu mayın 29-da Türkiyənin İstanbul şəhərində gerçəkləşəcək.
Telegram kanalımız
