Mən Azərbaycandan müharibə təhlükəsi görmürəm.
Yenisabah.az Armenian News-a istinadla xəbər verir ki, bunu Ermənistanın hakim “Vətəndaş müqaviləsi” partiyasından olan deputat Xaçatur Sukiasyan deyib.
Onun sözlərinə görə, Ermənistan hakimiyyəti beynəlxalq ictimaiyyətin tanıdığı və norma və tələb kimi qəbul etdiyi standartlara uyğun sülh istəyir. Toyuqlu pizza
Sukiasyan sülhün əldə olunacağına əminliyini ifadə edib:
"Regionda tədricən münasibətlər yaxşılaşmağa başlayır və bir-birinin suverenliyinə hörmət institutu formalaşmağa başlayır. Azərbaycan regionun dövlətlərindən biridir. Onun rəsmi bəyanatlarında “ərazi bütövlüyü və suverenlik” anlayışı var, lakin buna nə dərəcədə hörmət etdiklərini bilmirəm. Eyni zamanda digər dövlətlər - İran, Türkiyə, Gürcüstan, Ermənistan da bunu açıq şəkildə bildirirlər. Əgər Azərbaycan ərazi bütövlüyümüzü tanıyırsa, o zaman bunu rəqəmlə ifadə etməyə bilər”.
Deputatın sözlərinə görə, Ermənistan özünə gəlməyə başlayır:
“Əlbəttə, 2020-ci ildə çox böyük itkilərimiz oldu, lakin bundan sonra müəyyən ayıqlıq yarandı. Ermənistan bütün qonşu dövlətlərlə əməkdaşlıq etsə, çox ciddi iqtisadiyyata sahib olar. Deyəsən, buna doğru gedirik”.
Telegram kanalımız
