Deputat Qüdrət Həsənquliyev Müsavat fəalı, Qarabağ qazisi Tofiq Yaqublu ilə bağlı ölkə başçısına müraciət edib.
Yenisabah.az xəbər verir ki, deputat Modertaor.az-a müsahibəsində Prezidenti Müsavat fəalını əfv etməyə çağırıb.
“Mən Azərbaycan Respublikasının Prezidentinə müraciət edirəm ki, Tofiq Yaqublunun ailəsinin çox acılar yaşamasını və onun torpaqlarımız uğrunda döyüşüb yaralanmasını, ibtidai və məhkəmə istintaqı zamanı həbsdə olmasını nəzərə alıb, humanistlik nümayiş etdirərək Tofiq Yaqublunu əfv edib, cəzasının çəkilməmiş hissəsinin şərti tətbiq olunması barədə qərar qəbul etsin. pizza
Güclülərin və böyüklərin bağışlamağı bacarması hər zaman, bütün dövrlərdə ictimaiyyət tərəfindən təqdir olunub. Düşünürəm Prezidentin belə qərarı olarsa xalqımız da bunu alqışlayardı”, - deyə Qüdrət Həsənquliyev bildirib.
Telegram kanalımız
