Avropa Yenidənqurma və İnkişaf Bankının (EBRD) Azərbaycandakı aktiv portfelinin həcmi bu il iyulun 31-nə 787 mln. avroya kimi (ödənilməmiş öhdəliklər daxil olmaqla) azalıb. Bu rəqəm bank tərəfindən təqdim edilən əvvəlki göstərici ilə müqayisədə 3,2% və ya 26 mln. avro azdır. İcra edilən aktiv layihələrin sayı isə 34-dən 31-ə enib.
Bu barədə "Yeni Sabah" EBRD-yə istinadən xəbər verir.
Məlumata görə, portfelin 88%-ni (692 mln. avro) dayanıqlı infrastruktura yatırımlar, 9%-ni (67 mln. avro) sənaye, ticarət və aqrobiznes investisiyaları, 3%-ni (28 mln. avro) isə maliyyə institutlarına yatırımlar təşkil edir. Bankın ölkədəki əməliyyat aktivlərinin həcmi isə 2,8% azalaraq 685 mln. avro təşkil edib. Sezar pizza
Beləliklə, EBRD bu günədək Azərbaycana 188 layihə çərçivəsində 3,484 mlrd. avro həcmində investisiya yatırıb və sözügedən həcmin 86,3 %-i (3,007 mlrd. avro) borc götürənlər tərəfindən artıq mənimsənilib. Ümumi investisiyaların 12%-i özəl sektorun payına düşüb.
Telegram kanalımız
